Hai uns días vin o documental 'Os días afogados' (de Cesar Souto e Luis Avilés), sobre o asolagamento das aldeas ourensanas de Aceredo e Buscalque para a creación do embalse de Lindoso.

Ollar esas imaxes dos últimos días da vida e dos costumes duns pobos antes de ser borrados para sempre xera certa impresión. Penso que algo hai no impulso creativo en Galicia que nos leva á busca do que xa non está ou que xa non é o mesmo. Un instinto de voltar a unha natureza que se nos foi arrebatando co paso dos tempos e coa chegada doutros estilos de vida máis globales, non sei se peores ou mellores pero sen dúbida menos nosos.